- 775 -

1453. Mai 18. Wien.

König Ladislaus verkündet, dass er die Mannen der Lande von Liegnitz und Goldberg und die Bürger von Liegnitz zu gegenseitiger Hülfe vereinigt habe.

Wir Lasslaw von gotis gnaden zu Hungern, zu Behem, Dalmatien, Croatien kunig, herczog zu Oesterreich vnd marggraf zu Mehren etc. bekennen vnd tun kund mit dem brief allen leuten, die en horent oder lesent, seidmaln wir von schickhung des almechtigen in vnsern kunigreichen vnd landen zu kunig vnd herrn furgeseczt sein, wir vnsern kuniglichen gewalt mit hulf vnd gnad gotis vnsers kaiser gern gebrauchen wollen, somit vnser lannd vnd lewt bey irn gerechtikeiten frey vnd gemach beleiben mochtten, yedoch wir dem vollicleich nachzeuolgen an allen ennden vnsere kunigreich vnd lannd mit stetem wesen nicht gesein mogen vnd darumb daz die erbern weisen, vns getrewn, lieben ratman vnd burger vnsir stat Lignitz an trost nicht beleiben, haben wir vnser getrewn liebin, die mannen vnserr lannd Lignicz vnd Goltperg vnd die vorgenanten vnser burger zu Lignitz widerumb mit in verpunden vnd verdinct in krafft des briefs, in solhermass, daz wir mainen vnd wellen, welh obgenante parthey yemand von vns vnd vnserr cron zu Behem dringen vnd bekriegen oder sy vmb annderley sachen, wie die wern, anfechten welle widerrecht vnd wir in anndern vnsern landen wern vnd sy nicht hilff vnd zuschickung von vns gehaben mochten, daz dann ain parthey der andern darumb hilff vnd beystand vnd sich solhs kriegs vnd .... wern vnd widerhaben mugen nach allen irn notdurfft vnd vngeuerde. Zu vrkund des briefs geben zu Wienn an fritag vor dem heiligen Phingsttag, nach Kristi geburde vierzehenhundert vnd in dem dreyvndfumfczigisten iar, vnser cronung vnsers reichs des Hungrischen & im drewczehenten iare.

O. d. St. L. No. 421. An Schnüren von rother und weisser Seide das Wappensiegel von rothem Wachs in gelber Wachsschale, sehr wohl erhalten, während die Schrift durch Stockflecken entstellt ist.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866